4ჰოსპიტალსის დამფუძნებელი და დირექტორთა საბჭოს თავმჯდომარე, ნინო გამყრელიძე, დაესწრო ბიზნესფედერაციის “ქალები მომავლისთვის” სპეციალურ მიღებას!
მიღებაზე ფედერაციის ახალმა წევრებმა წარადგინეს კომპანიები და მათი როლი, ამასთანავე განიხილეს ბიზნესასოციაციის პროექტები, რომლებშიც აქტიურად არიან ჩართული ფედერაციის წევრებიც, მათ შორის ახალი პროექტი, საჯარო კონკურსი მეწარმე ქალებისთვის, სადაც წევრებს 15 000 და 25 000 ლარის მოგების შესაძლებლობა აქვთ.
“ქალები მომავლისთვის” ბიზნესასოციაციაა, რომელიც საერთო მიზნის გარშემო აერთიანებს ძლიერ, წარმატებულ ქალებს სხვადასხვა სფეროდან. ასოციაციის მისიაა ქალთა გაძლიერება, მათი როლის წინ წამოწევა და ჩართვა ეკონომიკურ და სოციალურ აქტივობებში.
ამჟამად ფედერაცია 75 ბიზნესლიდერ ქალს აერთიანებს სხვადასხვა სფეროდან.
აღსანიშნავია, რომ ქალების გაძლიერების, მათი ეკონომიკური გააქტიურებისა და მეწარმეობის მხარდაჭერის მიზნით, ბიზნესფედერაცია პროექტებს საერთაშორისო და ადგილობრივ პარტნიორებთან ერთად ახორციელებს, როგორიცაა მაგ: EBRD, USAID-ის ეკონომიკური მმართველობის პროგრამა, Visa, “კერძო მეწარმეობის საერთაშორისო ცენტრი’’ და სხვა.
